Ауғанстандағы су тасқыны: 73 мыңнан астам адам зардап шекті
Соңғы 12 күн ішінде Ауғанстанның 31 провинциясында болған су тасқындарынан 73 мыңнан астам адам зардап шекті,— деп хабарлайды newsroom.kz
Мәліметтерге сәйкес, су тасқындары айтарлықтай зиян келтіріп, мыңдаған тұрғын үйді, ауыл шаруашылығы алқаптарын және жолдар сияқты маңызды инфрақұрылым нысандарын қиратқан.
Баспанасыз қалған отбасылар, әсіресе әйелдер мен қыздар, медициналық көмек алуда елеулі қиындықтарға тап болуда. Шұғыл қажеттіліктер қатарында азық-түлік, баспана, қаржылай көмек және психоәлеуметтік қолдау бар.
Гуманитарлық ұйымдар өсіп келе жатқан қажеттіліктерді қанағаттандыру және жағдайдың одан әрі нашарлауына жол бермеу үшін көмекті арттыруға шақырды.