Иран мемлекеттік телеарнасының Білім және тәрбие министрлігіне сілтеме жасап хабарлауынша, соққылар салдарынан бастауыш және орта мектептердің 278 оқушысы көз жұмған.
Сондай-ақ 67 мұғалімнің қаза тапқаны, тағы 196 оқушы мен 26 педагогтың жарақат алғаны хабарланды.
Шабуылдар салдарынан 933 мектеп, 54 білім беру басқармасы, 17 мәдени орталық, 36 спорт залы және 8 студенттік лагерь зақымданған.
Қаза тапқан оқушылардың басым бөлігі Хормозган провинциясының Минаб қаласындағы бастауыш мектепке жасалған соққы кезінде тіркелген. Бұл шабуылды АҚШ жасағаны айтылған.
Бұған дейін Иранның Қызыл Жарты ай ұйымы 28 ақпанда Минабтағы қыздарға арналған бастауыш мектепке жасалған шабуыл салдарынан 180-нен астам адамның, оның ішінде 168 баланың қаза тапқанын хабарлаған еді.
Мәліметтерге сәйкес, мектеп 40 минут аралықпен екі рет соққыға ұшыраған.
