Конституция жобасы: дін мен мемлекет арасы нақты ажыратылды
Жаңа Конституция жобасында діннің мемлекеттен бөлек екені айқын әрі нақты түрде бекітілген. Құжат жалпыхалықтық референдумда қолдау тапқан жағдайда, бұл қағида ресми түрде күшіне енеді.
Жобаның 7-бабында дін мен мемлекеттің өзара тәуелсіз екені көрсетіліп, діни ұйымдардың қызметі тек заң аясында жүзеге асатыны жазылған. Сонымен қатар олардың жұмысы конституциялық құрылысқа, ұлттық қауіпсіздікке, қоғамдық тәртіпке немесе азаматтардың құқықтары мен бостандықтарына қауіп төндірген жағдайда шектелуі мүмкін екені нақтыланған.
Қолданыстағы Конституцияда дінге қатысты нормалар әртүрлі баптарда шашыраңқы түрде берілген. Ал жаңа редакцияда бұл ережелер жүйеленіп, бір бап аясында топтастырылған. Бұл өзгеріс құқықтық нормалардың түсініктілігін арттырып, олардың қолданылуын жеңілдетуге бағытталған.