Түрікменстанда белгісіз аурудан ірі қаралар жаппай қырылуда
Түрікменстанның Марый уәлаятында ірі қара малдың жаппай қырылуы тіркелді. Сәуір айының басындағы жағдай бойынша алаңдатарлық деректер Түрікменқала және Ёлөтен этраптарында анықталған. Бұл өңірлерде мал өсірушілер белгісіз инфекцияның тез таралуымен бетпе-бет келуде,— деп хабарлайды newsroom.kz
Жергілікті тұрғындардың айтуынша, ауырған малда мұрыннан су ағу, ақсау және қатты әлсіздік белгілері байқалады. Мал аяққа тұра алмай, көбіне бір тәулік ішінде өліп кетеді. Жергілікті ветеринарлық қызметтер жүктемеге төтеп бере алмай, антибиотиктер қолдануды ұсынуда, алайда ем барлық жағдайда көмектесе бермейді.
Түрікменстанның ресми билігі бұл жағдайға қатысты әзірге пікір білдірмеген, ал мемлекеттік БАҚ-та бұл туралы ақпарат жарияланбаған.
Сарапшылардың болжамынша, мал қырылуына аусыл — өте жұқпалы вирустық ауру немесе пастереллез — бір-екі күн ішінде малды өлтіріп жіберуі мүмкін бактериялық инфекция себеп болуы ықтимал.