Ақтөбе облысында 14 жастағы мектеп оқушысына қатысты қылмыс фактісі бойынша сотқа дейінгі тергеу басталды.
Құқық қорғау органдарының мәліметінше, 25 жастағы күдікті ұсталып, уақытша ұстау изоляторына қамалған. Тергеу Қазақстан Республикасы Қылмыстық кодексінің 120-бабы («Зорлау») бойынша жүргізілуде.
Ақтөбе облыстық полиция департаменті өкілдері қазіргі уақытта оқиғаның барлық мән-жайы анықталып жатқанын мәлімдеді.
«Толық әрі жан-жақты тергеу қорытындысы бойынша заңды процессуалдық шешім қабылданады. Тергеу мүддесіне және кәмелетке толмаған жәбірленушінің құқықтары мен заңды мүдделерін қорғау мақсатында өзге ақпарат жария етілмейді», – деп хабарлады ведомствоның баспасөз қызметі.
