Фигурист Михаил Шайдоровтың хореографы Иван Ригини журналистің «спортшы табысына Ресейдің қатысы бар» деген болжамына пікір білдірді.
Оның айтуынша, жетістікті қандай да бір мемлекетке телу дұрыс емес.
«Бұлай айтуға болмайды деп ойлаймын. Ресейдің оның табысына қуанып жатқаны қуантады. Бірақ Миша — тумысынан қазақ. Ол да дәл осылай жауап берер еді. Ал ресейліктердің эмоциясы — мәнерлеп сырғанаудың қандай керемет жанкүйерлері бар екенін көрсетеді. Мысалы, Илья Малинин үшін де көп адам алаңдайды, бірақ ол өмір бойы АҚШ-та тұрған», — деді хореограф.
