Шымкентте әйелдерді аңдыған екі ер адам ұсталды: әйелді соққыға жыққан
Қоңырау мен хабарламадан басталған қудалау ақыры күш көрсетуге ұласқан. Екі күдікті қамауға алынды.
Шымкентте полиция әйелдерді ұзақ уақыт бойы аңдыған екі ер адамды ұстады. Екеуі де жәбірленушілермен бұрын таныс болған.
Бірінші жағдайда бұрынғы жігіті ажырасуды қабылдай алмай, әйелге түрлі нөмірден қайта-қайта қоңырау шалып, хабарлама жазған. Ол әйелдің үйі мен жұмыс орнына да барған. Ер адам қамауға алынды.
Екінші оқиғада қудалау физикалық күш көрсетуге ұласқан. Полиция дерегі бойынша, аңду және соққыға жығу фактілері бойынша қылмыстық іс қозғалды. Күдікті қамауға алынды.
Екі іс те сотқа жолданды.