Мас ер адам әйелді «өлтірем» деп қорқытып, көлігін талқандады
Елордада мас күйдегі ер адам әйелге өліммен қорқытып, оның көлігінің әйнегін сындырды. Күдікті психиатриялық орталыққа жеткізілді.
Оқиға Астанада болған. Куәгерлердің айтуынша, мас ер адам әйелге жақындап, көлігін алып кетуді талап етіп, өлтіремін деп қорқытқан. Әйел талапқа көніп, көлігін мүгедектерге арналған белгі тұрған орынға жылжытқан. Алайда ер адам оның соңынан еріп барып, көліктің алдыңғы әйнегін шағып сындырған.
Зардап шеккен әйелдің қызы бұл жағдайға наразылығын білдірді. Оның айтуынша, күдікті психиатриялық ауруханаға жатқызылғандықтан, келтірілген шығын өтелмей қалуы мүмкін.
Астана қалалық Полиция департаменті оқиға тіркелгенін хабарлады. Күдікті психиатриялық есепте тұрған. Ол ұсталып, медициналық көмек көрсету үшін Психикалық денсаулық орталығына жеткізілді.