Қазақстан ТМД-дағы «ең сабырлы» елдердің ортасында тұр
World Population Review деректеріне сәйкес, Қазақстанда бір адамға шаққандағы алкоголь тұтыну көлемі жылына 5,4 литр таза спиртті құрайды. Бұл көрсеткіш елді ТМД кеңістігіндегі «ең ішімдікке әуес емес» мемлекеттердің орта тұсына орналастырып отыр.
Зерттеу авторлары ең төмен көрсеткіш тіркелген елдер ретінде:
- Түрікменстан — 0,3 л
- Тәжікстан — 0,7 л
- Өзбекстан — 2,1 л
- Қырғызстан — 3,9 л
атап өткен. Мамандар мұны діни дәстүрлермен және алкогольге ұстамды көзқараспен байланыстырады.
Ал әлем бойынша ең көп алкоголь тұтынатындар — Шығыс және Орталық Еуропа елдері. Көш басында:
- Румыния — 17,1 л
- Грузия — 15,5 л
- Латвия — 14,7 л
- Молдова — 14,1 л
- Чехия — 13,7 л
ТМД елдері ішінде Беларусь (11,4 л) пен Ресей (10,5 л) де жоғары көрсеткішке ие.