«Сұрақтар көбейіп барады»: Атыраулық хакер шұғыл жаңалықпен бөлісті
Атырау облысында із-түзсіз жоғалған отбасыға қатысты жаңа мәлімдеме жасалды.
Ол 24 қаңтарда жарияланатын екінші бөлімде маңызды жайттарға кеңінен тоқталатынын хабарлады.
Оның айтуынша, жауапсыз қалған мәселелер әлі де көп. Атап айтқанда:
• Наурыздың телефоны неліктен Өзбекстан аумағында қосулы болған және сигналдың нақты қай жерде тіркелгені неге әлі күнге дейін жария етілмей отыр?
• Бұл деректерді кім жасырып отыр және оның себебі неде?
• Араға уақыт салып, отбасының тағы екі мүшесі не себепті табылмады?
• Қоғамға неге нақты әрі ашық ақпарат берілмей келеді?
Сондай-ақ ол ең резонансты сұрақты да ортаға салды:
• Жоғалған отбасы туралы видео жарық көргеннен кейін, БАҚ-та «Атыраулық хакер халықаралық іздеуде» деген ақпараттың пайда болуына не түрткі болды?
• Бұл мәліметті кім таратты және оның артында қандай мақсат бар?
«Сұрақтар күн сайын көбейіп жатыр, ал жауаптар керісінше азаюда. Барлығын екінші бөлімде егжей-тегжейлі айтып беремін. Видео жақын арада шығады», – деп мәлімдеді ол.