Мектептегі төбелес өліммен аяқталды: Таразда оқушы 6,5 жылға сотталды
Тараз қаласында мектептегі төбелестен кейін оқушы қаза тапқан іс бойынша сот үкімі шықты.
Оқиға күз мезгілінде №47 мектептің дәретханасында болған. Оқушылар арасындағы жанжал кезінде жасөспірімдердің бірі ішінен соққы алған, сонымен қатар мойын тұсынан ауыр жарақат алған. Бала оқиға орнында көз жұмған.
Кеше сот 9-сынып оқушысына қатысты үкім шығарды.
Жасөспірім Қылмыстық кодекстің 106-бабының 3-бөлігі — «Абайсызда өлімге әкеп соққан қасақана ауыр дене жарақатын келтіру» бабы бойынша кінәлі деп танылды. Ол өз кінәсін ішінара мойындаған.
Сот шешімімен оған 6 жыл 8 ай бас бостандығынан айыру жазасы тағайындалды.
Сонымен қатар сот сотталған баланың ата-анасын марқұмның отбасына 10 миллион теңге көлемінде моральдық өтемақы төлеуге міндеттеді.