Ерлан Барлыбаев Мәжіліс депутаты қызметін 2016 жылдан бері атқарып келеді. 2021 жылы VII шақырылым мандатын алған. Ол — «Ақ жол» партиясының мүшесі. Ал қазіргі Мәжіліс құрамына 2023 жылдың наурыз айында кірген.
Бұған дейін «Курсив» басылымы депутаттың энергетика саласындағы бизнеске қатысы барын жазған. Ерлан Барлыбаев «Дария-1» компаниясының құрылтайшыларының бірі саналады. Бұл компания «Восток лимитедке» иелік етеді. Ал «Восток лимитед» өз кезегінде Павлодар облысын электр энергиясымен қамтамасыз ететін компаниялардың бірі — «Горэлектросетьтің» иесі.
Сондай-ақ басқа да депутаттар мен олардың жұбайларының табыстары жарияланды. Атап айтқанда, Мәжіліс төрағасының орынбасары Гүлжан Абауованың жұбайы 1,58 млн теңге, ал вице-спикер Альберт Раудың жұбайы 10,8 млн теңге табыс тапқан.
Қалған парламентарийлердің басым бөлігі әзірге декларация жарияламаған немесе жалақысынан тыс қосымша табыс көрсетпеген.
