«Құтырған қатын»: қоғам белсендісі Мөлдір Мұқан жайлы
Қоғам белсендісі Бекболат Қаржан әзілкеш Тұрсынбек Қабатовтың жұбайы туралы өз көзқарасын білдірді, деп хабарлайды Newsroom.kz тілшісі POLITICO.KZ сайтына сілтеме жасап.
Бекболат Қаржан әлеуметтік желідегі жазбасында бірнеше мәселеге тоқталған. Алдымен ол Қабатовтың бұрынғы жарының әлеуметтік жағдайына қатысты пікір білдіріп, оның тұрмысы жақсы екенін атап өтеді. Оның айтуынша, Тұрсынбек Қабатов өз отбасына қажетті жағдайдың барлығын жасап кеткен.
Одан кейін Қаржан кей әрекеттерді сынға алып, бұл жағдайдың қоғамдық резонансқа айналғанын айтады. Бекболат әйел адамның Тұрсынбектің жеке өміріне шамадан тыс араласып, шығармашылығына әсер еткенін алға тартады. Оның пікірінше, мұндай араласу Қабатовтың кәсіби дамуына кедергі келтірген.
Сондай-ақ Бекболат Қаржан Қабатовтың соңғы фильміне қатысты пікірлерге назар аударып, көрермендердің бір бөлігі картинаны сәтсіз деп бағалағанын жеткізеді.
Тұрсынбек Қабатовтың “отбасынан кетуі” туралы таралған болжамдарға тоқталып, мұндай әрекет ақыл-есі дұрыс, табысты азаматқа тән емес екенін атап өтеді. Ол жақсы қарым-қатынастағы отбасынан ешбір ер адам себепсіз кетпейтінін айтады.
Ол ер адамдарға қатысты қоғамда қалыптасқан қысым туралы да пікір білдіріп, ер азаматтардың көп жағдайда ашық сөйлемейтінін, ал сынға жиі ұшырайтынын жеткізеді. Белсендінің айтуынша, ерлердің үнсіздігі — әлеуметтік қысымның салдары.
Жазба соңында Бекболат Қаржан жалпы жағдайға қатысты өз ойын қорытындылап, қоғамдағы теңгерімнің сақталуы маңызды екенін атап өткен.