Саясат Нұрбек Кореядағы онлайн мектебінің таныстырылымында құттықтау сөз айтты
Қазақстанның Ғылым және жоғары білім министрі Саясат Нұрбек Кореяның Гёнги провинциясы ұйымдастырған «Gyeonggi Korean Language School (KLS) 3rd Sector» жаңа онлайн корей тілі мектебінің жаһандық таныстырылымына бейнеқұттықтау жолдады.
24 қарашада өткен іс-шарада корей тарапы кез келген елден онлайн білім алуға мүмкіндік беретін жаңа платформаны таныстырды. Жоба K-culture ықпалының күшеюі мен корей тіліне деген халықаралық сұраныстың артуына байланысты іске қосылған.
Іс-шараға 25 білім басқармасының басшылары, халықаралық ұйымдар, шетелдік корей тілі орталықтарының жетекшілері және 300-ге жуық қонақ қатысты.
Бағдарламада:
- Саясат Нұрбектің құттықтау сөзі,
- Гёнги білім супер-интенданты Им Тэ Хидің баяндамасы,
- АҚШ-тағы Bellevue School District жетекшісі Kelly Aramaki-дің жолдауы,
- тарихшы 최태성 дәрісі,
- платформаның таныстырылымы және концерт болды.
KLS 3rd Sector – әлемнің кез келген нүктесінен корей тілін оқуға мүмкіндік беретін толық онлайн мектеп. Платформа биыл наурыз айынан бастап сынақ режимінде жұмыс істеп, енді толық іске қосылды.
Жоба корей тілін халықаралық мәдени байланыс құралы ретінде дамытуға бағытталған.