Мәжіліс депутаттары қай әлеуметтік желіде көп "отырады" және не жазады?

Политпросвет.kz Telegram-арнасы жариялаған мәліметте депутаттардың ең жиі қолданатын желілері — Instagram мен Facebook, ал Xпен Telegram көпшілігі үшін қосымша ғана.

Кейде саясаттан бөлек “контент” те танымал етеді

Әдетте депутаттар желіде жұмысын, заң жобаларын, кездесулерін жазса, кейде халықтың назарын күтпеген посттар аударады. Мысалы, Даулет Мұқаевтың атағы әлеуметтік бастамалардан гөрі шкафтағы ішкиімдер туралы видеоға және «Олжас» есімінің дұрыс айтылуына қатысты постына байланысты дүркіреп кеткен еді.

Депутаттардың онлайн-аудиториясы

Мәжілісмендердің орташа жазылушы саны — 47 мың. Бұл көрсеткішті «жұлдыз» депутаттар өсіріп тұр. Әдеттегі депутаттардың аудиториясы 10 мыңға да жетпейді.

Ең танымал ондыққа кіретіндер:

• Даулет Мұқаев — 1,2 млн+
• Ринат Зайтов — 522,4 мың
• Асхат Аймағамбетов — 439 029
• Максат Толықбай — 298 200
• Мұрат Әбенов — 297 169
• Бақытжан Базарбек — 205 829
• Айдарбек Ходжаназаров — 124 714
• Сергей Пономарев — 108 300
• Дәулет Тұрлыханов — 94 900
• Ерлан Саиров — 89 058
• Абзал Құспан — 81 500
• Аманжол Әлтай — 74 590

Олардың басым бөлігі — Amanat партиясының мүшелері.

Депутаттар қандай желілерді ұнатады?

Барлық депутаттардың әлеуметтік желідегі жиынтық аудиториясы — 4,5 млн адам.

Ең танымал платформалар:

• Instagram — 2,65 млн
• Facebook — 909 мың
• TikTok — 771 мың
• Threads — 245 мың
• X — 106 мың
• Telegram — 21,6 мың

Ал депутаттардың өздері ең жиі қолданатын желі — Facebook (98 депутаттың 91-і).
Instagram — 76 депутатта,
TikTok — 33-інде,
X — 11-інде,
Telegram — бар болғаны 8 депутатта ғана.

Олар не жазады?

Ринат Зайтов — парламент жұмысы, мәдениет, ұлт мәселелері (лайк аз — ~200).

Асхат Аймағамбетов — балалар қауіпсіздігі, денсаулық, білім беру, саясат (~1 000 лайк).

Максат Толықбай — заң жобалары мен сайлаушылардың өтініштері (жанкүйерлері белсенді).

Мұрат Әбенов — фармацевтика, банктер, цифрлық биометрия (күнде бірнеше пост).

Бақытжан Базарбек — заңсыз құрылыстар, алаяқ схемалар (әр посты — 1 000+ лайк).

Айдарбек Ходжаназаров — экология, ауыл шаруашылығы, AI технологиялары.

Сергей Пономарев — журналистік форматтағы видеосюжеттер.

Даулет Тұрлыханов — саясат, спорт, ТҚКО мәселелері.

Ерлан Саиров — саяси шолулар, командировка қорытындылары.

Абзал Құспан — құқықтық мәселелер, қоғамдағы резонанстар.

Аманжол Әлтай — әдебиет, музыка, айтыс — ең эстетикалық парақша.

Даулар да бар

Әсіресе Даулет Мұқаевтың желідегі белсенділігі жиі дау туғызады.

«Олжас/Алжас» туралы посты халықтың ашуына тиді.

Бұған дейін — шкафтағы ішкиім видеосы, «тұсау кесу» рәсімі туралы жазбасы.

Бай-Tursyn тұрғындарының шағымы — жарнамаланған тұрғын үй сапасыз болып шыққан.

Дәл осындай даулар әлемнің өзге елдерінде тіпті мандаттан айырылуға дейін апарған жағдайлар болған.

Депутаттар белсенді, бірақ… әлеуметтік желіні шектеуді де өздері ұсынады

Әлеуметтік желіні жаппай қолдана отырып, олар оны шектеу туралы бастама көтеруден де қалыс қалмайды.

Асхат Аймағамбетов – TikTok пен Instagram-да балаларға жас шектеу енгізуді ұсынды.

Жандарбек Әшимжанов – TikTok-ты “ядролық бомбаға” теңеп, кәмелетке толмағандарға тыйым салуды талап етті.

Ермұрат Бапи – “ескі режимді дәріптейтін жалған трендтерге” қарсы шықты.

Еділ Жаңбыршин – ЛГБТ-активистердің желідегі шабуылдары туралы мәлімдеп, сол күні Мәжіліс ЛГБТ-пропагандаға тыйым салатын заңды қабылдады.