«Қайраттың» чемпиондар лигасындағы ойындары Астанада өтетін болды
«Қайрат» футбол клубының: «Олимпиакос», «Брюгге» футбол клубтары арасында өтетін матчтары Алматыдан Астанаға ауыстырылды.
Клуб бұл шешімді УЕФА-мен бірлесіп қабылдады. Себебі қыс мезгілінде ашық Алматы Орталық стадионында ауа райы қолайсыз болуы мүмкін – аяз және қар жауып кетсе көрермендерге де, алаң қызметіне де кедергі келтіреді. Сондықтан матчтар жабық стадион «Астана Аренада» өтеді.
Билеттер құны 15 мыңнан 50 мың теңгеге дейін. Олар 28 қарашадан бастап Qairat SuperApp пен Freedom SuperApp арқылы сатыла бастайды.