Оның айтуынша, Қазақстан соңғы жылдары жоғары білім, ғылым, IT және инновация салаларында жүйелі, стратегиялық реформа жүргізіп, жасанды интеллектке негізделген жаңа экономиканың іргесін қалыптастырып жатыр.
Норвиг бұл пікірін Кай-Фу Лидің шақыруымен Қазақстан Президенті жанындағы ЖИ дамыту жөніндегі кеңес отырысына қатысқаннан кейін білдірді.
Қазақстан — мұнайлы елден ЖИ экономикасына бұрылып жатқан сирек мемлекет
Питер Норвиг Қазақстанның трансформациясын «өте батыл қадам» деп атады. Оның сөзінше, табиғи ресурстарға сүйенетін көптеген мемлекеттер технологиялық секіріс жасауға асықпайды.
Алайда Қазақстан — керісінше, жаңа экономиканың орталық бағыты ретінде жасанды интеллектті таңдап отырған ел.