Көлік прокуроры декреттік демалыста жүрсе де, жалақы алып келген
Маңғыстау облысында Сыбайлас жемқорлыққа қатысы бар деген күдікпен көлік прокуроры ұсталды. Бұл туралы Бас прокуратураның баспасөз қызметіне сілтеме жасап newsroom.kz хабарлайды.
Ведомствоның мәліметінше, ұсталған азамат 2024 жылдан бері бала күтіміне байланысты декреттік демалыста жүрген. Яғни, ол қызметтік міндеттерін атқармағанына қарамастан, ресми түрде прокурор қызметін иеленіп келген.
Ұстау операциясы 2025 жылдың 9 қарашасында Ішкі қауіпсіздік қызметі мен ҰҚК департаменті қызметкерлерінің бірлесуімен жүргізілген.
Қазір істі тергеуге қажетті шаралар жүріп жатыр. Қылмыстық іс бойынша өзге мәліметтер ҚР Қылмыстық-процессуалдық кодексінің 201-бабына сәйкес жария етілмейді.