Маңғыстау жағалауында тағы да өлі итбалықтар табылды
Маңғыстау облысында тағы да каспий итбалықтарының жаппай қырылуы тіркелді. Түпқараған ауданындағы Каспий теңізі жағалауында экология департаментінің мамандары 112 өлі итбалықты анықтаған.
Ведомство мәліметінше, 3 қараша күні зертханалық-талдамалық бақылау бөлімінің қызметкерлері Ақтау тұрғындарының хабарламасынан кейін жағалауға шыққан.
«Балық инспекциясымен бірлесіп, Асан елді мекенінен бастап Баутино мүйісіне дейінгі аралық тексерілді. Нәтижесінде Асан мен Форт-Шевченко арасынан 39, ал жағажай мен Баутино аралығынан 73 итбалық табылды», — делінген департамент хабарламасында.
Мамандар теңіз суынан сынама алып, оқиға туралы ақпаратты 112 қызметіне жіберген.
Каспий жағалауында өлі теңіз жануарларының табылуы бұл бірінші жағдай емес — мұндай оқиғалар соңғы жылдары жиілеп кеткен.