Алтын құны қайта құлдырады: баға 4 мың доллардан төмен түсті
28 қазан, сағат 15:00-дегі мәліметке сәйкес, алтын фьючерстерінің бағасы 3 919,59 доллар болды.
Тәуліктік төмендеу 2,49% немесе 100 доллардан асады.
Соңғы аптада баға 4,81% арзандаған. Дегенмен, бір ай ішінде алтын 3,31%, ал соңғы алты айда 17,6% қымбаттаған.
Сарапшылар құлдырауға доллардың күшеюі және облигациялар табыстылығының артуы себеп болғанын айтады.
Айта кетейік, 15 қазанда алтын фьючерстері 4 223,36 долларға дейін көтеріліп, бір айда 13,4%, соңғы жарты жылда 30% өсім көрсеткен еді.