7-сынып оқушысы асылып тұрған күйінде табылды
Оның отбасы қиын жағдайда өмір сүрген
Алматы облысына қарасты Саймасай ауылында 7-сыныпта оқитын оқушы қайғылы жағдайда көз жұмды. Жергілікті тұрғындардың айтуынша, жеткіншектің денесі асылған күйінде табылған.
Көршілердің сөзіне қарағанда, баланың отбасы қиын жағдайда өмір сүрген. 1 ақпанда олар көмек сұрап, өгей әкесінің зорлық-зомбылық көрсетуі мүмкін екенін айтқан.
Арыздан кейін қайырымдылық қоры отбасының нақты мекенжайын анықтап, ақпаратты ювеналды полицияға жолдаған.
Құқық қорғау органдары тексеруді бастаған. Оқиғаның нақты мән-жайы анықталып жатыр.