Елдің спорттағы жетістігі тек чемпиондармен өлшенбейді. Бұқаралық спортты қолдау мен инфрақұрылымға инвестиция салу – ұзақмерзімді нәтиже береді. Қазір көптеген қала мен ауданда жаңа спорт залдары, фитнес орталықтар мен стадиондар салынуда.
Байырғы спортшы Александр Лобашов былай дейді:
«Жастарға мүмкіндік керек. Біз кезінде шағын спорт алаңында жаттығып, үлкен жетістікке жеттік. Ал бүгінде жағдай әлдеқайда жақсы. Енді сол мүмкіндікті тиімді пайдалану маңызды».
Лобашов спортқа тек денсаулық емес, тәрбие құралы ретінде қарау керек дейді. Ұжымдық рух пен ерік-жігерді қалыптастыру арқылы жастардың әлеуеті ашылады.