Бұқаралық спорт – ұлт саулығының іргетасы

Қоғамның даму деңгейі оның азаматтарының денсаулығы мен белсенді өмір салтына тікелей байланысты. Бұқаралық спортты дамыту – тек дене шынықтыру ісі емес, ол – ұлттың болашағына жасалған инвестиция. Соңғы жылдары елде спорт инфрақұрылымын жетілдіру, ауылдық жерлерде спорт алаңдарын салу, мектеп спортын жандандыру бағытында нақты шаралар қабылданды.

Спорт ардагері Ақмырза Батырхайыров бұл туралы былай дейді:

 «Спорт – тәртіп пен рухтың мектебі. Егер әр ауылда спортпен айналысатын жағдай жасалса, жастар зиянды әдеттерден алшақтап, салауатты өмір салтын ұстанады. Бұл – ұлттық қауіпсіздік пен елдің дамуына әсер ететін фактор».

Мемлекет тарапынан жаппай жүгіру, велошеру, фитнес, ұлттық спорт түрлерін насихаттау да өз жемісін беруде. Әрбір азаматтың спортпен айналысуы – қоғам денсаулығының көрсеткіші.