Мемлекет басшысы Республика күніне арналған салтанатты жиында елдің экономикасы мен әлеуметтік саланың жетістіктеріне тоқталды.
«2019 жылдан бері экономикамыз 16 % өсті, биыл… шамамен 137 трлн теңге, яғни 291 млрд доллар болады деп күтілуде. Жан басына шаққанда ІЖӨ 47 % артып, 14 400 долларға жетті…» — деді ол.
Сонымен қатар, білім беру саласына бөлінетін қаржы бес жылда үш есе артқаны, ұстаздардың жалақысы екі есе ұлғайғаны және денсаулық сақтау саласына бағытталған шығындардың көлемі де бірнеше есе өскені айтылады.
«Қазақстан – Конституция бойынша әлеуметтік мемлекет… Бес жылда білім беру саласына бөлінетін қаржыны үш есе арттырдық… Медициналық салаға бөлінетін қаржы 2020 жылдан бері 3 есе көбейді…» — деді президент.
