«Досының тойына барды»: Тамара Асардың ұлы неден қайтыс болды?
Продюсер Жан Мұқанов әнші Тамара Асардың жолдасы Бекмырза Жұмаштың алғашқы некесінен туған ұлы Әлішердің қазасына қатысты мәліметпен бөлісті.
«8 қараша күні Қостанайда Жұмаштың ұлы Әлішердің қырық күндік асы өтеді. Бәрі білсін — туыстық тек қанмен өлшенбейді, бастысы — жүрек байланысы. Әлішер Тамараның туған баласы болмаса да, жылдар бойы оған өз баласындай жақын болып кетті. Ол да Қамбар секілді олардың ұлы, ал Жұмаш пен кішкентай Ажардың ағасы еді», — деді продюсер.
Жан Мұқанов марқұмның өліміне қатысты да түсінік берді. Оның айтуынша, Әлішерді Ақтөбеде көлік қағып кеткен. Ол ол жаққа досының үйлену тойына қатысу үшін барған.
Айта кетейік, бұған дейін Қостанай облысы Наурызым ауданының әкімі Мәди Өмірзақұлы Ихтиляпов Әлішердің мезгілсіз қазасына байланысты көңіл айтып, отбасының қайғысына ортақтасқан еді.