Қолданылған электрокөлікті алған тиімді ме? Қазақстан нарығындағы баға мен таңдау
Қазақстанда соңғы жылдары экологиялық таза көліктерге сұраныс артып келеді. Бүгінде ел жолдарында тек бензинмен жүретін емес, сонымен қатар гибрид және электромобильдер де жиі кездесе бастады. Жаңа көлік алғысы келетіндер үшін бір сұрақ жиі туындайды: жүрген, қолданыста болған электромобиль сатып алу қаншалықты тиімді?
Бұл сұраққа жауапты OLX Қазақстан ұсынған деректерге сүйене отырып іздеп көрейік.
Қандай маркалар жиі кездеседі?
Екінші нарықтағы ұсыныстардың көп бөлігін корейлік Hyundai мен Kia маркалары құрайды. Бұл екі бренд Қазақстанда бензинді көліктер сегментінде де, гибридтер санатында да көшбасшы саналады.
- Hyundai – шамамен 240 хабарландыру, көбіне «жақсы» немесе «өте жақсы» күйде.
- Kia – 140 ұсыныс, жағдайы әртүрлі: «өте жақсыдан» бастап «жөндеуді қажет ететінге» дейін.
- Қытайлық брендтер – нарықта енді ғана көріне бастады: Chery (18 хабарландыру), BYD (17 хабарландыру).
- Сирек үлгілер – Li және Zeekr сияқты премиум маркалар бірлі-жарым ғана кездеседі. Бірақ бұл нарықтың біртіндеп кеңейіп келе жатқанын аңғартады.
Бағалар диапазоны қандай?
Электрокөліктердің бағасы маркасына және жағдайына байланысты едәуір өзгереді.
- Hyundai Santa Fe – орта есеппен 15 млн теңге.
- Kia Sorento – шамамен 16 млн теңге.
- Chery – орташа 8,6 млн теңге.
- BYD – шамамен 8,4 млн теңге.
- Li және Zeekr – премиум сегмент, бағасы 20–25 млн теңге аралығында.
Жүріс қашықтығы
- Hyundai, Kia – әдетте 160–185 мың км жүрген.
- Chery, BYD – 50–70 мың км шамасында, бұл олардың нарыққа енді шыққанын көрсетеді.
- Li, Zeekr – жүрісі жоққа тән немесе өте аз, бірақ бағасы қымбат.
Қолданыстағы электромобильдің артықшылықтары
- Бағасы қолжетімді. Жаңа электромобиль автосалонда қымбат, ал бірнеше жыл жүрілген үлгілер айтарлықтай арзан.
- Таңдау кең. Қарапайым базалық нұсқадан бастап, толық опциялы үлгілерге дейін табуға болады.
- Гибрид – ымыралы шешім. Егер зарядтау станциялары жетіспейді деп ойласаңыз, гибридті көліктер бензинді аз жұмсап, күнделікті қолдануға ыңғайлы.
Кімге қандай көлік тиімді?
- Сенімділік пен қолжетімділік іздейтіндерге – Hyundai мен Kia.
- Жаңа технологияға қызығатындарға – аз жүрісті қытайлық Chery немесе BYD.
- Имидж бен статусқа мән беретіндерге – Li немесе Zeekr.
Ең бастысы, сатып аларда көліктің батарея күйін, жүрісін және сервистік тарихын мұқият тексеру қажет.
Қорытынды
Қазақстандағы электромобильдер мен гибридтердің қайталама нарығы бүгінде қалыптасып үлгерді. Дұрыс таңдалған жағдайда қолданыстағы электрокөлік – тек сәнді тренд емес, сонымен бірге үнемді, экологиялық әрі заманауи шешім бола алады.