Қар мен аяз: Елімізде сынап бағанасы күрт төмендейді
30 қыркүйек күні Қазақстан аумағында ауа райы айтарлықтай суытады. «Қазгидромет» мәліметінше, солтүстік өңірлерде суық антициклонның әсерінен жаңбыр қарға ұласып, кейбір аймақтарда алғашқы аяз байқалады.
Астана мен Қостанай қалаларында қар аралас жауын жауып, тұрғындар қыстың ерте келгенін әлеуметтік желілерде қызу талқылауда.
Синоптиктердің болжамынша, түнде ауа температурасы −1…−3 °C-қа дейін төмендеп, күндіз +5…+10 °C шамасында ғана сақталады.
Суық толқыны әсіресе Солтүстік Қазақстан, Ақмола, Қостанай және Павлодар облыстарында айқын сезіледі. Мамандар тұрғындарға жылы киініп, көлік жүргізушілеріне қысқы дайындықты ертерек бастауға кеңес беріп отыр.
Күздің соңғы күндері еліміздің басым бөлігінде құбылмалы ауа райы сақталып, қазан айында суық тұрақты сипат ала бастайды деп күтілуде.