Паспортқа өзгеріс енгізілді: қолдағы паспортты ауыстыру керек пе?
Қазақстанда қосымша қорғаныс элементтері бар жаңа үлгідегі паспорттар беріліп жатыр. Шілденің ортасынан бастап дайындалған құжаттарда жалған жасауға және деректерді ұрлауға қарсы күшейтілген жүйе қолданылған.
HDM-технологиясы құжатты қолдан жасауды әлдеқайда қиындатады. Бұл қорғаныс элементі сырт көзге барыс бейнесі түрінде көрінеді.
Айта кетейік, бұған дейін берілген паспорттарды ауыстыру міндетті емес, олар мерзімі біткенге дейін жарамды. Бірақ қаласаңыз, барыс бейнесі бар жаңа паспортты да рәсімдей аласыз.