Қазақстандық отбасылар Ұлттық қор қаржысын қалай пайдалануда?
2024 жылғы 1 ақпаннан 2025 жылғы 1 қыркүйекке дейін қазақстандықтар «Ұлттық қор – балаларға» жобасы аясында 19,04 млн доллар көлемінде өтініш берген. Бірыңғай жинақтаушы зейнетақы қорының мәліметіне сүйенсек, қаражаттың негізгі бөлігі үй алуға және оқу ақысын төлеуге бағытталған.
Қаржы қайда жұмсалды?
Тұрғын үйге – 87 841 өтініш, жалпы сомасы 12,25 млн доллар.
- ең танымал бағыт – тұрғын үй құрылыс жинағына ақша салу (85 735 өтініш, 11,98 млн доллар);
- бастапқы жарна төлеу (700 өтініш, 92,1 мың доллар);
- пәтерді толық сатып алу (514 өтініш, 62,3 мың доллар).
Білімге – 51 933 өтініш, жалпы сомасы 6,79 млн доллар.
- Қазақстандағы оқу ақысы (45 901 өтініш, 6,08 млн доллар);
- білім беру жинақ шотын толықтыру (4 309 өтініш, 499 мың доллар);
- шетелде оқу ақысы (1 411 өтініш, 174 мың доллар).
Балалардың еншісіне қанша түсті?
Бағдарламаға сәйкес, Ұлттық қордың инвестициялық табысының 50%-ы жыл сайын 2006 жылдан кейін туған әрбір балаға бөлінеді.
- 2023 жылы – 100,52 доллар;
- 2024 жылы – 129,38 доллар;
қосымша инвестициялық табыс – 3,04 доллар.
Мысалы, 2006 жылы туған бала шотында қазір 100,52 доллар, ал 2007 жылғы балада – 232,94 доллар жиналған.