Xiaomi Қазақстанда жаңа Redmi 15C смартфонын таныстырды
Xiaomi компаниясы Қазақстан нарығында жаңа Redmi 15C моделін ұсынды. Смартфон жұқа әрі стильді дизайнымен, үлкен 6,9 дюймдік HD+ дисплейімен және ұзақ уақытқа жететін 6000 мА·сағ аккумуляторымен ерекшеленеді.
Redmi 15C үш түсте қолжетімді: қара, жасыл және мұхит толқынынан шабыт алған көк нұсқа. Құрылғының корпусына сәнді «қалқымалы кратер» элементі берілген.
Жаңа смартфонның негізгі ерекшеліктері:
- 6,9 дюймдік HD+ дисплей, 120 Гц дейін жаңарту жиілігі;
- 50 Мп AI қос камерасы — түрлі жағдайда айқын суреттер түсіреді;
- 6000 мА·сағ аккумулятор, 22 сағатқа дейін бейне көру немесе 82 сағат музыка тыңдауға мүмкіндік береді;
- 33 Вт жылдам қуаттау – жарты сағатта 50%-ға дейін;
- MediaTek Helio G81-Ultra процессоры, 16 ГБ дейінгі жедел жады (Memory Extension), 1 ТБ дейін жад кеңейту мүмкіндігі;
- Xiaomi HyperOS – Google Gemini, Circle to Search және құрылғыаралық синхрондау сынды функциялармен;
- IP64 стандарты бойынша су мен шаңнан қорғалған.
Смартфон сондай-ақ басқа құрылғыларды қуаттай алатын реверсив зарядтауды қолдайды.
Бағасы:
4 ГБ + 128 ГБ — 64 990 теңге
8 ГБ + 256 ГБ — 79 990 теңге
Redmi 15C Қазақстандағы ресми Xiaomi дүкендерінде, сондай-ақ Kaspi.kz, Technodom, Alser, DNS, Beeline, Tele2және басқа серіктестерде сатылады.