Әлемді құрғақшылық жайлауы мүмкін: Қазақстан да қауіп аймағында
2050 жылға қарай әлемде 1,6 миллиардтан астам адам, соның ішінде Африка халқының шамамен 20 пайызына жуығы, ауыр әрі ұзаққа созылатын қуаңшылыққа ұшырайды деген болжам бар.
Өкінішке қарай, бұл қатер Қазақстанды да айналып өтпейді…
Қуаңшылық баяу басталып, тұтас аймақтарды қамтып, жылдарға созылуы мүмкін. Климаттың өзгеруі бұл қауіпті күшейте түседі: ауа температурасының көтерілуі топырақты құрғатады, ал жауын-шашынның қалыпты режимінің бұзылуы су қорының мөлшерін алдын ала болжауды қиындатады.