Степногорск ЖЭО-да жұмысшы қаза тапты, тағы үшеуі ауруханаға түсті
Кәсіпорын басшылығы оқиғаны растады.
«26 тамыз күні №2 қазандықтағы су экономайзерін бөлшектеу кезінде мердігер ұйымның бірнеше жұмысшысы зардап шекті. Бір адам оқиға орнында көз жұмды, тағы үшеуі жедел жәрдеммен Степногорск көпсалалы ауруханасына жеткізілді. Олардың жарақаттары әртүрлі деңгейде», – делінген ресми хабарламада.
Жағдайдың мән-жайын анықтау үшін арнайы комиссия құрылды. ЖЭО басшылығы қаза тапқан қызметкердің отбасына және жарақат алғандарға қолдау көрсетілетінін жеткізді.
Ақмола облыстық полиция департаментінің баспасөз қызметі қылмыстық іс қозғалғанын мәлімдеді.