Шахматшы Жансая Әбдімәлік ана атанды
Қазақстанның танымал шахматшысы, халықаралық гроссмейстер Жансая Әбдімәлік көптен күткен қуанышты жаңалығын бөлісті – ол алғаш рет ана атанды.
Шахматшы бұл сәтін Instagram парақшасында жариялап, жүктілік кезіндегі әсерлі фотосуреттерін жүктеді.
– Сен жүрегімде болған сәттен бастап, әлі кездестірмесем де, сені сүйіп қалғанымды байқамай қалдым, – деп жазды ол.
Желі қолданушылары бірден жылы лебіздері мен құттықтау пікірлерін жолдады.
Жансая Әбдімәлік – Қазақстанның ең табысты шахматшыларының бірі, халықаралық гроссмейстер атағының иегері. Жұбайы – Нұрахмет Нұриев, 2024 жылдан бері «Қазақмыс корпорациясы» ЖШС директорлар кеңесінің төрағасы. Ерлі-зайыптылар 2023 жылы үйленген. Бұл – олардың тұңғыш сәбиі.