Трамп Вашингтондағы үйсіздерді көшіру ниетінде
АҚШ президенті Дональд Трамп Вашингтондағы үйсіздерді «астанадан алысқа» көшіруді қалайды, деп хабарлайды newsroom.kz порталы CNBC News-ке сілтеме жасап.
Трамп жексенбі күні ел астанасынан үйсіздерді көшіруге және қылмыскерлерді түрмеге қамауға уәде берді. Бұл қадам Вашингтон мэрінің қазір қалада қылмыс деңгейінің күрт өсуі байқалмайтыны жөніндегі мәлімдемесіне қарамастан жасалып отыр.
«Үйсіздер дереу көшуі керек. Біз сіздерге баспана береміз, бірақ астанадан алыс жерден. Қылмыскерлер, сіздерге көшу қажет емес. Біз сіздерді түрмеге жабамыз, ол сіздердің орындарыңыз», — деп жазды Трамп Truth Social платформасында.