Сұмдық! Сауд Арабиясында адамдар мінген аттракцион құлады
Сауд Арабиясының Таиф қаласындағы Green Mountain ойын-сауық саябағында шоу кезінде «360 градус» аттракционы құлап түсті,- деп хабарлайды newsroom.kz
Куәгерлердің айтуынша, конструкцияның орталық тірегі шыдас бермей сынып кеткен, нәтижесінде карусель адамдармен бірге жерге құлаған. Келушілердің бірін соққы бірнеше метрге ұшырған.
Жергілікті БАҚ-тың хабарлауынша, 23 адам жарақат алған. Олардың басым бөлігінің жарақаттары орташа ауырлықта, үшеуінің жағдайы өте ауыр.
Оқиғаның себептері анықталып жатыр.