АҚШ ЮНЕСКО-дан шығатынын мәлімдеді
АҚШ президенті Дональд Трамп ЮНЕСКО құрамынан шығу туралы шешім қабылдады. Ақ үйдің мәлімдеуінше, бұл қадам ұйымдағы антиамерикандық және антиизраильдік ұстанымдарға байланысты жасалған. Вашингтон ЮНЕСКО-ны әділетсіз саясат жүргізіп отыр деп айыптады.
Айта кетейік, ЮНЕСКО – 1945 жылы құрылған Біріккен Ұлттар Ұйымының Білім, ғылым және мәдениет жөніндегі агенттігі. Оның штаб-пәтері Парижде орналасқан. Ұйым әлем елдері арасында білім мен мәдениет салаларында ынтымақтастық орнатуға бағытталған.