Гренландия жағалауына алып айсберг тоқтап, қауіп төндіріп тұр
Гренландияның солтүстік-батысындағы Иннорсуит ауылына жақын маңға алып мұзтаған (айсберг) келіп тоқтады. Қазір ол тұрғындарға қауіп төндіріп тұр. Егер айсберг жағаға тиіп, бөлшектеніп кетсе, зардаптың алдын алу мүмкін емес.
Құтқарушылар халыққа айсбергке жақындамауды – қайықпен де, жаяу да бармауды – қатаң ескертті. Құтқарушылар адамдардың бір жерге көптеп жиналуынан да сақ болуды сұрады.
Қауіп тек айсбергтен бөлінуі мүмкін ірі мұз кесектерінде ғана емес – олардың суға құлауынан пайда болатын толқындар тұрғын үйлерді шайып кетуі мүмкін.
Мұндай ірі айсбергтер әдетте бірнеше күн ішінде қозғалып кететін, алайда бұл жолы мұзды глыба бір аптадан бері қозғалмай тұр.
Бұл – Иннорсуит тұрғындарының айсбергті бірінші рет көруі емес. Соңғы рет 2018 жылы осындай көлемді мұзтау ауыл маңына жетіп келген. Ол кезде айсберг ғарыштан көрінетіндей алып болған.