Үндістанда жер сілкінісі тіркелді
Үндістанда 10 шілде күні таңертең 4,4 балдық жер сілкінісі болды, зардап шеккендер жоқ,- деп хабарлайды newsroom.kz
Жерасты дүмпулерінің ошағы Харьяна штатында, ошағы шамамен 10 шақырым тереңдікте болған. Жерасты дүмпулері елорданың әртүрлі аудандарында сезіліп, шамамен 10-15 секундқа созылды. Тұрғындар пәтерлеріндегі төбелік желдеткіштер мен жиһаздардың тербеліп тұрғанын байқады. Кейбіреулері үйден шығып кетті. Алдын ала мәлімет бойынша, зардап шеккендер жоқ.