«Іс-шара музейдің жұмыс уақыты аяқталғаннан кейін өтті. Көрменің ашылуына келушілер алдын ала жасалған тізім бойынша, 21 жастан асқандар ғана жіберілді. Тараптардың келісімімен музейде алкогольсіз сусындар ұсынылатын фуршет өткізуге рұқсат берілген. Алайда кейтерингпен айналысатын компания бұл талапты бұзып, құрамында алкоголь бар сусындарды да ұсынған», – деп мәлімдеді Мәдениет министрлігі.
Министрлік мәліметінше, жауапты тұлғалар анықталып, «Эфес Қазақстан» жеке кәсіпкерлігіне қатысты әкімшілік хаттама толтырылып, компанияға айыппұл салынған.