newsroom.kz Жаңалықтар
1.6k

"Журналисім менің": Роза Әлқожа күйеуімен қалай танысқанын айтып берді

"Журналисім менің": Роза Әлқожа күйеуімен қалай танысқанын айтып берді

ашық дереккөзі

Роза Әлқожа күйеуімен қалай танысқаны туралы айтып берді, деп хабарлайдыNewsroom+ тілшісі Stan.kz ақпарат агенттігіне сілтеме жасап.

/> Өнер иесі 18 жасында журналист атанып үлгерген болашақ жарын ең алғаш рет қашан көргенін есіне алды. Сыртынан біліп, танып жүрген жігіт бөлмесіне келген кезде, бір бұрышқа тығылып, қайырылмай қойғанын жасырмады ол. <div class=
"Мен оның атын елден естідім. Он сегіз жасында журналистикаға келген жігіт есімі. Содан сол журналисті көргіміз келетін. Бір күні қыздар отырған бөлмеге екі жігіт кіріп келді. Екіншісі бойшаң, әдемі киінген. Қасындағы жігіт өзіміздің Миха. Содан әлгі жігіт бар қызбен танысты да, мен жаққа келмеді. Ол кезде өте ұяңмын. Ұзын юбка, жеңі ұзын кофта дегендей. Намаз оқитын қызға бір жігітке ентелей барып танысқан ұят сияқты көрінетін", - дейді Роза Әлқожа. Қаланың бойшаң, әдемі, алғыр жігіті өзі үшін қайта-қайта келіп жүргенін білмеген Роза Әлқожа бірінші күннен-ақ өз-өзімнен ашуландым дейді. Өз уақытында "Жас Алашта" журналист болып, дүркіреп тұрған жігіттің әзілге де жақын болғанын жасырмады ол. "Анекдот айтып, тағы да басқа әңгімелер айтып, қыздарды қасына жинап алды. Соның алдында үйіме ұялмай ертіп баратын әдемі қаланың бір жігітімен таныссам деген арман болған. Сол осы адам шығар деп қоямын. Бір кезде өз өзінен жыным келді. Жалғыз отырмын оқшау. Жарықты өшіріп, шамшырақпен отырмыз. Балконға атып шықтым. Бір бірімізге иіле қоймағанымыз жаныма батып кеткен сияқты. Қасыма Жанар деген құрбым келді. "Таныдың ба?" деді. Басымды шайқадым. "Жас Алаштағы" Айдын ғой! "Мә" деппін", - деп ағынан жарылды әнші. Өнер иесі бүгінде отбасын құрып, перзент тәрбиелеп отырған күйеуін төл мерекесімен осылайша құттықтады. Оған ақ тілегін айтып, адал ниетін білдірді. "Содан сол жігіт негізі маған келгенін, бір байқауда сыртымнан көріп, ұнатып қалғанын жеткізді ғой бір күні! "Жел тимеген, күн тимеген ауылдың қызын алам деп ем" деп мәз ғып қойды. Журналисім менің, меншікті мерекеңмен! Алар асуың, мәртебең биік болсын! Үйіміздің тірегі сен аман бол!" - деп құттықтады Роза Әлқожа.