Google компаниясы Android қолданушыларының деректерін жасырын жинаған: 314 млн $ өтемақы төлеуге міндеттелді
Калифорниядағы алқабилер соты Google-ды 14 миллион Android құрылғысынан заңсыз дерек жинағаны үшін жауапты деп таныды. Тергеу барысында экран сөндірулі және бақылау қызметтері өшірілген сәттердің өзінде де мәліметтер компания серверлеріне жіберіліп отырғаны анықталған.
Жиналған ақпарат Google-ға жарнама дәлдігін арттыруда басымдық берген, ал қолданушылар үшін бұл — жеке деректердің құпиялылығы мен трафиктің шығынына әкелген.
Компания сот шешімімен келіспейтінін мәлімдеп, шағым түсірмек. Ал 2026 жылдың көктемінде басқа штаттардағы қолданушылар да ұжымдық талап-арыз бере бастайды.