Алматы хайуанаттар бағында жануарлар неге "ұсқынсыз" көрінеді?
Жаздың аптап ыстығында Алматы зообағындағы кейбір жануарлардың түр-сипаты тұрғындардың алаңдаушылығын туғызды. Осыған байланысты мекеме өкілдері түсініктеме берді. Мамандардың айтуынша, жануарлардың мұндай күйге түсуі – маусымдық жүн түсірумен байланысты табиғи құбылыс, деп хабарлайды newsroom.kz Zakon.kz-ке сілтеме жасап..
Зообақтың ғылыми қызметкері Юлия Дудкинаның айтуынша, жаз мезгілінде жануарлардың көбісі артық жүнін түсіріп, дене температурасын реттеуге бейімделеді. Мысал ретінде ол маралды келтірді:
«Бір қарағанда оның сырт келбеті күтімсіз сияқты көрінуі мүмкін, бірақ бұл – қалыпты әрі табиғи процесс. Жаз келгенде жануарлар қалың жүнінен арылып, жеңіл 'киімге' өтеді. Бұл денені қызып кетуден сақтайды», – деді Дудкина.
Оның сөзінше, дәл осындай жағдай барандарының да басынан өтуде. Олардың жүні сиреп, ретсіз көрінгенімен, табиғатта бұл кезеңнің де өз орны бар.
«Жабайы табиғатта бұл жүн құстар үшін таптырмас материал. Олар одан ұя салып алады. Зообаққа келушілер мұны өз көздерімен көре алады: құстар марал мен қойлардың қасына ұшып келіп, түскен жүнді шиқап алып кетіп жатады», – деді маман.
Сондай-ақ түлкілерде де айтарлықтай өзгеріс бар. Қыстағы қалың жүнінен айырылып, жазда жұқарып қалады. Кей келушілер олардың жиі қасынып жатқанын байқайды, бірақ бұл – аурудың емес, линьканың белгісі.
«Жануарлар сәл 'тозыңқы' көрінгенімен, бұл олардың денсаулығына еш әсер етпейді», – деді Дудкина.