Ауыл шаруашылығы вице-министрі Азат Сұлтановтың айтуынша, бұл жерлер бұрын дұрыс пайдаланылмаған: мал басы жеткіліксіз болған немесе мүлде шаруашылық жүргізілмеген.
⠀
Қайтарылған жайылымның 6 миллион гектары жергілікті тұрғындар мен ауыл шаруашылығы өндірушілеріне берілді. Оның ішінде 2 миллион гектар – елді мекен маңындағы жерлер арнайы халықтың мұқтажы үшін бөлінген.
⠀
Жайылымдар туралы заңға енгізілген өзгерістер нәтижесінде, аз пайдаланылған жерлерді қайтару көлемі 20 пайыздан 50 пайызға дейін ұлғайтылған. Соның арқасында 2,7 млн гектар жайылым мемлекетке қайтарылды.
⠀
Қазіргі таңда 565,8 мың гектар жерге фермерлер мал сатып ала бастады. Бұл ауылдық жерлерде жаңа жұмыс орындарын ашуға сеп болып отыр. Ал 63,8 мың гектар жерге қатысты сот процестері жүріп жатыр.
⠀
Жерді қайтару жұмысы жалғасуда.