Бұл мәліметтер БҰҰ-ның Сауда және даму жөніндегі конференциясы (UNCTAD) жариялаған баяндамасында келтірілген.
2022 жылы Қазақстан экономикасына 6,5 млрд доллар тартылса,
2023 жылы — 3,7 млрд доллар келген.
Ал 2024 жылы алғаш рет елге ақша келмей, керісінше шетелдік инвестиция сыртқа кетті.
Орталық Азия елдерінің ішінде көш басында — Өзбекстан. Оларға 2,8 млрд доллар инвестиция құйылған.
Саяси сарапшы Марат Шибұтовтың пікірінше, инвестицияның күрт азаюы мен қаражаттың сыртқа кетуі ірі өнеркәсіптік және мұнай-газ жобаларының аяқталуына байланысты болуы мүмкін. Әсіресе, Теңіз кен орнын кеңейту жұмыстарының тоқтауы әсер еткен.
Сондай-ақ капиталдың Біріккен Араб Әмірліктері мен офшор аймақтарға көптеп шығарылуы да негізгі себептердің бірі ретінде аталып отыр.