"Қақтығыс қаупі жоғарылап барады, бізге бұл тікелей қатысты. Украинадағы соғыс – осының дәлелі. Сондай-ақ Иранның ядролық нысандары төңірегіндегі жағдай да бізді қатты алаңдатады", – деді Ресей басшысы.
Оның сөзінше, Таяу Шығыстағы ахуал ерекше назар мен келіссөз арқылы шешім іздеуді талап етеді.
"Бізге бұл оқиғаларға жай ғана сырттай қарамай, барлық бағыт бойынша бейбіт жолмен шешім іздеуге ұмтылу керек. Мен мұны шын жүректен айтып отырмын", – деді Путин.
Ресей әскерлері Украина қалаларын “Шахедтермен” атқылады
Форум аясында сөйлеген сөзінде Владимир Путин Мәскеудің мақсаты Киевті тізе бүктіру емес, тек "жердегі шынайы жағдайды мойындауын" талап ететінін айтты.
Сондай-ақ ол ресейлік армияның Сумы қаласын басып алуы мүмкін екенін, бірақ дәл қазіргі сәтте мұндай жоспар жоғын жеткізді.
Путин сөз соңында украиндар мен орыстарды “бір халық” деп атап, "осы тұрғыдан алғанда, бүкіл Украина – біздің жер" деген ойын қайталады.