Оның сөзінше, Қытай қоғамы шет ел басшысының өз тілінде сөйлегенін жоғары бағалап, оған ықыласпен қарайды. Бұл көзқарас кейін ҚХР-дың Қазақстанға бағытталған ресми саясатына да әсер етеді.
– Шет мемлекет басшысының қытай тілін білуі Қытай жұртшылығына жақсы әсер қалдырады. Ал бұл оң ықылас біртіндеп мемлекеттік деңгейдегі қарым-қатынасқа да ықпал етеді, – деді Әбішев Shyndyk.kz-ке берген сұхбатында.
Саясаттанушының пайымынша, мемлекеттер арасындағы сенімді қарым-қатынасты көбіне көшбасшылардың жеке байланысы қалыптастырады. Дегенмен Қытайдағы шенеуніктік тәртіп пен бюрократия дипломатиялық қатынастың аясын шектей алады.