Қорғаныс министрі қызметін атқарған Руслан Жақсылықов қамауға алынды деген жалған хабар тарауда
10 маусым 2025 жылы Қазақстанның бұрынғы Қорғаныс министрі, генерал-полковник Руслан Жақсылықов ұсталып, Астанадағы уақытша ұстау изоляторына қамалды деген ақпарат – жалған, деп хабарлайды newsroom.kz.
Бұл туралы экс-министрдің өзі Tengrinews тілшісіне видеоқоңырау арқылы айтты.
Бұл ақпарат— жалған. Мен Астанада өз үйімде отырмын. Отбасыммен түскі асқа баруға дайындалып жатырмын, - деп жауап берді ол.
Бас прокаратура да бұдан хабарлары жоқ екенін айтқан.
Еске салайық, Руслан Жақсылықов 8 маусымда министр қызметінен кеткен еді.