Ибрагим Кубеков – 1990-жылдардың басында «Караван» газетінде жұмыс істей жүріп шығармашылық жолын бастаған танымал журналист және карикатурашы. Ол оқиғалардың мәнін, кейіпкерлердің болмысын дөп басып жеткізе білетін шеберлігімен танылған. Кейде оның суреттері қосымша мәтінсіз-ақ оқырманға бәрін ұқтырып тұратын.
Кубеков тек суретші емес, редактор, корректор, иллюстратор әрі өзі ашқан Есіктегі газеттің таратушысы да болған. Ол билік өкілдері мен саясаткерлерге арнаған өткір шарждарымен ел есінде қалды. Әріптестері оның еркін ойлайтын, қолтаңбасы берік суретші болғанын айтады.
Ибрагим Кубеков екі альбом шығарған. Алғашқысы – 50 жасқа толғанда, екіншісі – он жылдан кейін жарық көрді.