Коронавирусқа байланысты 65 жастан асқан депутаттар үйінде отыр

26 Наурыз, 2020 161 0

Олар заң жобасы талқысына қатыспайды.

Мәжіліс спикері Нұрлан Нығматулин отырыстың күн тәртібін талқыламастан бұрын, 65 жастан асқан депутаттардың бүгін жұмыста жоқ екенін хабарлады. Осы жас шамасындағылар Дүниежүзілік денсаулық сақтау ұйымының ұсыныстары бойынша коронавирус індеті өршіп тұрғанда үйде болуы тиіс екен. Сондықтан Мәжіліс төрағасы қарт депутаттарды заң жобалары талқысына қатыстырмай, жұмысқа келмей-ақ қоюларына рұқсат берді, деп хабарлайды zakon.kz.

Бүгінгі пленарлық отырыс сәл өзгертілген форматта өтеді. Кейбір әріптестеріміз бүгінгі талқыға қатыспайды. Бірақ алаңдамаңыздар, бәрі - аман-сау. 65 жастан асқан біздің кейбір әріптестерімізге ДДСҰ ұсыныстарына сәйкес пленарлық отырыстарға қатыспауға және үйде болуға кеңес берілді, - деді Нығматулин.

Оның айтуынша, кворум пленарлық отырыстарды осы форматта өткізуге мүмкіндік береді.

Сонымен қатар, пленарлық отырыстарға басқа мүдделі органдардың, қоғамдық ұйымдардың және үкіметтік емес ұйымдардың дәстүрлі шақыруынсыз әр заң жобасы бойынша депутаттар мен баяндама жасайтын өкілдер ғана қатысатынын білесіздер. Бұл залдағы орынды ДДСҰ-ның санитарлық стандарттарына сәйкес өзгертуге мүмкіндік берді - бизнес кластағы сияқты, - деген ол қазір депутаттар отырған орындар арасындағы қашықтық ұлғайғанын меңзеді.

Тегтер: депутат, коронавирус, инфекция, вирус, қазақстан, әлем, жаңалықтар, парламент, заңжобасы

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.