Жапония 34 жылда алғаш рет әлемдегі ең үлкен несие беруші мәртебесінен айырылды
Германия таза сыртқы активтері бойынша 1991 жылдан бері алғаш рет Жапонияны басып озып, әлемдегі жетекші несие беруші мемлекет мәртебесінен айырды,- деп хабарлайды newsroom.kz
Жапонияның Қаржы министрлігінің мәліметі бойынша, жапон компаниялары, үй шаруашылықтары және үкіметінің таза шетелдік активтері 2024 жылы 13 пайызға өсіп, жыл соңында 533,05 триллион иенді (3,7 триллион доллар) құрады. Бұл ел үшін рекордтық көрсеткіш болды, бірақ Германия 3,96 триллион доллар көрсеткішімен Жапонияны басып озды.
Қытай 3,58 трлн долларға бағаланған шетелдік активтерімен үшінші орында тұр.
Германиядағы шетелдік активтер көлемінің өсуі өткен жылы 248,7 миллиард еуроға жеткен ағымдағы шоттың айтарлықтай профицитімен қамтамасыз етілді. Жапонияда бұл көрсеткіш 29,4 триллион иенді немесе 180 миллиард еуроны құрады. Ал еуро-йен бағамы соңғы бір жылда шамамен 5%-ға өсті.